Роўлінг хоча перапісаць два раманы пра Гары Потэра
Аўтар серыі раманаў пра юнага чараўніка Гары Потэра Джоан Роўлінг паведаміла аб жаданні перапісаць два з сямі тамоў эпапеі, не ўдакладніўшы, якія менавіта.
Па словах аўтара, яна напісала іх «прыхапкам»
У ходзе прэзентацыі яе першай кнігі для дарослых Роўлінг заявіла, што не выключае перавыдання двух «недапрацаваных» раманаў у новай форме, апісанай пісьменніцай як «рэжысёрская версія».
У новым творы «Вольнае месца» дзеянне адбываецца ў англійскай вёсцы, дзе няпоўная сям’я сутыкаецца з праблемамі мясцовай палітыкі.