На Мальдывах пачынаецца суд над экс-прэзідэнтам, былым палітвязнем
Першы дэмакратычна абраны прэзідэнт Мальдываў, Махамед Нашыд, у панядзелак паўстане перад судом па абвінавачванні ў злоўжыванні ўладай.
Экс-прэзідэнту ставяць у віну арышт высокапастаўленага суддзі, якога ён абвінаваціў у карупцыі; гэты выпадак паклаў пачатак масавым пратэстам, якія затым выліліся ў паліцэйскі мяцеж і ў лютым 2012 года прывялі да адстаўкі Нашыда.
Махамед Нашыд, былы праваабаронца і палітвязень, прыйшоў да ўлады ў 2008 годзе па выніках усенароднага галасавання.
Прыхільнікі былога кіраўніка дзяржавы сцвярджаюць, што абвінавачванні супраць яго палітычна матываваныя.