Прэзідэнта Чэхіі цяпер будуць абіраць усенародна
Прызначана дата першых у гісторыі краіны прамых прэзідэнцкіх выбараў.
Яны адбудуцца 11 і 12 студзеня 2013 года, паведаміў сёння кіраўнік верхняй палаты чэшскага парламента Мілан Штэх. Калі ніводзін з кандыдатаў не набярэ больш за палову пададзеных галасоў, праз два тыдні адбудзецца другі тур.
Цяперашні прэзідэнт Чэхіі Вацлаў Клаўс сыходзіць у адстаўку — пасля двух пяцігадовых тэрмінаў на чале дзяржавы.
Да гэтага часу прэзідэнта Чэхіі абіралі дэпутаты абедзвюх палат парламента. Сёлета быў прыняты закон аб прамых выбарах прэзідэнта.