Чаму нельга адмаўляцца ад свінога сала і як нарэзаць цыбулю без слёз?
Адказы на гэтыя ды іншыя пытанні шукайце ў новым календары «Родны край. 2013».
У продажы з’явіўся адрыўны каляндар «Родны край. 2013». У слове да чытача гаворыцца, што гэты каляндар прызначаны перш за ўсё для жыхароў Беларусі.
А вось як сваё выданне рэкламуе выдавецтва «Беларусь»
Калі ўзыходзіць і заходзіць сонца і калі паедзем у які-небудзь выдатны беларускі гарадок святкаваць Дзень беларускага пісьменства?
Ці праўда, што ёсць свята Міжнародны дзень гор, і ў якой краіне адзначаюць Дзень яблыка?
На які дзень прыпадаюць імяніны Паўла і Ізабэлы, калі нарадзіўся вядомы беларускі мастак Іван Хруцкі і колькі гадоў Нацыянальнаму акадэмічнаму Вялікаму тэатру оперы і балета?
Як прыгатаваць незвычайную салату «Інь-Янь», для чаго патрэбен праполіс і дзе ўзяць свежыя антыаксіданты? Што рабіць, каб пазногці былі прыгожымі, а локці не былі шурпатымі?
Адказы на ўсе гэтыя і многія іншыя пытанні можна знайсці ў адрыўным календары «Родны край. 2013».