«Советская Белорусcия» рыхтуе матэрыял пра «Чарнобыльскі шлях»
На днях старшыні аргкамітэту па правядзеньні «Чарнобыльскага шляху» прафэсару Івану Нікітчанку тэлефанавалі з «Советской Белоруссии».
На днях старшыні аргкамітэту па правядзеньні «Чарнобыльскага шляху» прафэсару Івану Нікітчанку тэлефанавалі з «Советской Белоруссии».
Журналістаў дзяржаўнага выданьня цікавіла, якое дачыненьне і зь якога часу сп.Нікітчанка мае дачыненьне да Чарнобыльскай трагедыі. Іван Нікітчанка адказаў, што мае непасрэднае дачыненьне да гэтай праблемы ад 2 траўня 1986 году.
Таксама журналістаў цікавіла, чаму прафэсар Нікітчанка вырашыў накіраваць ліст да Лукашэнкі з запрашэньнем кіраўніка краіны на «Чарнобыльскі шлях». Нікітчанка сказаў, што прыйшоў час рэальна вырашаць праблему Чарнобыля і ня толькі сымбалічнымі візытамі ў забруджаныя радыяцыяй рэгіёны. Ён таксама адзначыў, што не чакае атрымаць адказ ад Лукашэнкі, хіба толькі ў нейкім эмацыйным выступе кіраўніка краіны перад журналістамі.
Іван Нікітчанка не выключае, што гэтае інтэрвію дзяржаўныя журналісты могуць выкарыстаць у мэтах правакацыі яго асабіста і ўсёй акцыі 26 красавіка.