Паводле сайту фанаў Depeche Mode Мінск знаходзіцца ў Расіі
Менавіта так сталіца Беларусі пазначана ў тур-лісце гурту.
На фанацкім сайце легендарнага брытанскага гурту, які выступіць у Мінску 29 ліпеня 2013 года, закралася прыкрая памылка.
На галоўнай старонцы на дадзены момант месціцца паведамленне пра тур Depeche Mode ў 2013 годзе. У спісе гарадоў, якія брытанцы наведаюць у наступным годзе з канцэртамі, пазначаны і Мінск. Аднак, паводле сайта «дэпешаў», наша сталіца адносіцца да Расіі.