Жыхар Брэста, пасварыўшыся з сабутэльнікамі, кінуў у іх гранату, два чалавекі шпіталізаваныя
Незвычайным чынам завяршылася распіцце спіртнога групай жыхароў Брэста 28 кастрычніка.
Каля 16.30 у сваім доме жыхар Брэста 1963 года нараджэння, пасварыўшыся з сабутэльнікамі, кінуў у іх гранату. У выніку выбуху асколачныя раненні атрымала яго сужыцелька 1969 года нараджэння і знаёмы 1973 года нараджэння. Абое шпіталізаваныя.
Высвятленнем акалічнасцей здарэння займаюцца следчыя органы.