Суд над маладафронтаўцамі ў Мёрах: адзін у шпіталі, другі ў турме
Сяброў «Маладога фронту» Рамана Васільева і Змітра Крамянецкага вінавацяць у дробным хуліганстве.
Суд Мёрскага раёна звінаваціў Змітра Крамянецкага ў брыдкаслоўі і пакараў адміністрацыйным арыштам на 5 сутак.
Cуд над Раманам Васільевым адкладзены на няпэўны час. З дыягназам «гіпертанічны крыз» хлопца пакінулі ў шпіталі пад міліцэйскай аховай. Працяг суда над ім адбудзецца пасля выпіскі.
Маладых людзей затрымалі ў суботу пасля вяселля Міколы Дземідзенкі і Алесі Раманюк, якое прайшло ў Мёрах (Віцебская вобласць).