Аўтамабіль Aston Martin Пола МакКартні прададзены з аўкцыёну
Спартыўны рэтра-аўтамабіль Aston Martin, які належаў Полу МакКартні, быў прададзены на аўкцыёне Christie's у Лондане за амаль паўмільёна даляраў.
МакКартні купіў Aston Martin DB5, найбольш вядомы дзякуючы фільмам пра Джэймса Бонда, у пачатку славы "Бітлз" ў 1964 г. Музыкант абшыў салон чорнай скурай і паставіў там прайгравальнік для пласцінак.
Легендарная мадэль аўтамабіля і знакаміты экс-уладальнік робяць гэтую машыну унікальнай, мяркуюць у Christie's.