БАТЭ вылецеў у Іспанію на матч з «Валенсіяй»
Самалёт з беларускім клубам вылецеў на матч4-га тура групавога раўнду Лігі чэмпіёнаў з Нацыянальнага аэрапорта «Мінск» а10-й раніцы.
На матч з «Валенсіяй» адправіліся 20 футбалістаў:
брамнікі — Андрэй Гарбуноў, Аляксандр Гутар,
абаронцы — Максім Бардачоў, Дзяніс Палякоў, Арцём Радзькоў, Марка Сіміч, Ягор Філіпенка, Аляксандр Юрэвіч;
паўабаронцы — Дзмітрый Бага, Рэнан Брэсан, Аляксандр Валадзько, Аляксандр Глеб, Вадзім Курловіч, Дзмітрый Ліхтаровіч, Эдгар Аляхновіч, Міхаіл Сівакоў;
форварды — Раман Васілюк, Арцём Канцавы, Дзмітрый Мазалеўскі, Віталь Радзівонаў.
У выязны спіс па стане здароўя не трапіў Філіп Рудзік. А Аляксандр Паўлаў учора паляцеў у Рым на паглыбленае медабследаванне з прычыны траўмы сцягна, атрыманай на мінулым тыдні.
Матч «Валенсія» — БАТЭ пройдзе ў сераду 7 лістапада. Пачатак у 22:45.
Становішча пасля 3 тураў: Баварыя — 6, БАТЭ — 6, Валенсія — 6, Ліль — 0.