Колькі каштуе сустрэча з чэмпіёнкай свету?
Неаднаразовая чэмпіёнка свету, Еўропы і Беларусі па тайскім боксе Кацярына Вандар’ева вырашыла дапамагчы дзецям, выставіўшы на дабрачынны аўкцыён «Мае сэнс» сустрэчу з сабой.
Інфармацыю пра тое, у якім менавіта фармаце пройдзе сустрэча, дзяўчына пакуль трымае ў сакрэце: гэта можа быць сустрэча ў кавярні, запрашэнне на баі або дэманстрацыя сакрэтных прыёмаў, паведамляе pressball.by.
На сайце дабрачыннага аўкцыёну за сустрэчу са спартсменкай вызначаная першапачатковая стаўка — 777 тысяч рублёў.