У вяскоўца ўкралі буйную суму грошай, якія ён хаваў у хляве ў слоіку

Крымінальная справа па факце крадзяжу буйной сумы грошай у 78-гадовага вяскоўца распачата 16 лістапада Жыткавіцкім РАУС.

Невядомы праз незачыненыя дзверы пранік у хлеў і ўкраў грошы з паўлітровага слоіка, закрытага капронавай крышкай. Слоік быў схаваны ў скрыні са збожжам.

У слоіку было 1.200 даляраў ЗША і 2 млн. беларускіх рублёў. Вядзецца пошук падазроных.

За мінулыя выхадныя ў Гомельскай вобласці ўчынена шмат крадзяжоў металічных вырабаў. У Кармянскім раёне ў вяскоўца ўкралі пяць металічных труб. У жыхара Мазыра невядомыя ўкралі металапрофіль, а ў жыхаркі Буда-Кашалёва — чатыры металічныя ложкі і сякеру.

Каментары да артыкула