У 2013 годзе Лукашэнка наведае з візітам Азербайджан

Аб гэтым паведаміў пасол Беларусі ў Азербайджане Мікалай Пацкевіч на прэс-канферэнцыі ў Баку 20 лістапада, перадае азербайджанскае інфармацыйнае агенцтва 1news.az. Паводле яго слоў, візіт пройдзе па запрашэнні прэзідэнта Азербайджана Ільхама Аліева.

Дыпламат падкрэсліў, што ў рамках візіту азербайджанскага прэзідэнта Ільхама Аліева ў Беларусь, які адбыўся ў пачатку гэтага года, паміж дзвюма дзяржавамі было падпісана сем дакументаў. Пасол дадаў, што падобныя візіты дэманструюць высокі ўзровень адносін паміж дзвюма краінамі.

Акрамя таго, як адзначыў Пацкевіч, у снежні гэтага года ў Мінску пройдзе беларуска-азербайджанскібізнэс-форум.

Пацкевіч таксама паведаміў, што ў 2013 годзе ў Баку адбудзецца пасяджэнне азербайджана-беларускай міжурадавай эканамічнай камісіі, а таксама пройдуць Дні культуры Беларусі, у рамках якіх будуць арганізаваны шырокамаштабныя мерапрыемствы.

Каментары да артыкула