Справу Пачобута працягнулі на месяц
Папярэдняе следства па справе гродзенскага журналіста Андрэя Пачобута працягнута яшчэ на адзін месяц — да 21 снежня.Пра гэта паведаміў афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч.
Паводле яго слоў, для таго каб даць аб’ектыўную прававую ацэнку, праводзяцца лінгвістычныя даследаванні рознымі экспертамі.
Пачобут абвінавачваецца ў паклёпе на прэзідэнта на падставе часткі 2 артыкула 367 КК.
- Нагадаем, Андрэй Пачобут паўторна абвінавачваецца ва ўчыненні злачынства, прадугледжанага арт. 367 КК. Як лічыць следства, у шэрагу публікацый, падрыхтаваных журналістам і распаўсюджаных
- Летам мінулага года Пачобута ўжо судзілі за «паклёп у дачыненні да прэзідэнта». Тады суд Ленінскага раёна Гродна прыгаварыў яго да трох гадоў пазбаўлення волі з адтэрміноўкай выканання на два гады. Зараз журналісту пагражае пакаранне ў выглядзе абмежавання ці пазбаўлення волі да пяці гадоў.
Пачобут не прызнае сябе вінаватым і адмовіўся даваць паказанні следству.
Праваабарончыя структуры і Еўрасаюз асудзілі беларускія ўлады за чарговы крымінальны пераслед журналіста.