Кіраўніцтва Facebook абвергла інфармацыю аб прысваенні кантэнту карыстальнікаў
«Чуткі пра тое, што загружаная карыстальнікамі Facebook інфармацыя становіцца ўласнасцю сацыяльнай сеткі, не адпавядае рэчаіснасці. Кантэнт карыстальніка належыць толькі яму, як і напісана ў нашых правілах», -- гаворыцца ў паведамленні кампаніі.
Раней сярод карыстальнікаў сацыяльнай сеткі пашырылася інфармацыя аб тым, што, згодна з новымі правіламі, права на кантэнт перадаюцца кампаніі. У адказ тысячы карыстальнікаў апублікавалі статус, у якім заявілі аб аўтарскіх правах на ўсе свае пасты, фота і відэа.