Прыгожае...
№ 33 (94) 17 лістапада 1997 г.
Прыгожае...
Прыгожае — гэта пальцы
тонкiя ў срэбных пярсьцёнках,
i пальцы, якiя на пляцах
фармуюць кулак нашай моцы.
Прыгожае — гэта свабода
на рыжай лiстоце восенi,
скарынка чыстага лёду,
старая вiнтоўка Мосiна.
Прыгожае — гэта жанчына,
здольная здрадзiць прыгожа
i толькi з тае прычыны,
што доўга цярпець ня можа.
Ня трэба так хвалявацца:
яна пагуляе i вернецца.
Шукай жа, мужчына, працу
для рук тваiх дужых i сэрца.
С.А.