Паштовая скрынка
№ 1 (210), 3 — 9 студзеня 2001 г.
Паштовая скрынка
Другу Я. з Горадні. У Вашых разважаньняў заслабая тэарэтычная аснова. Сучасныя тэорыі нацыяналізму можна зьвесьці да дзьвюх катэгорыяў: канструктывісцкія, паводле якіх нацыі вынаходзяцца, ствараюцца ўва ўяўленьні або мабілізуюцца, і прымардыялісцкія, згодна зь якімі нацыі — гэта гістарычна зададзеныя сутнасьці. Але радыкальныя варыянты і першых, і другіх маюць апошнім часам мала прыхільнікаў. Большасьць дасьледчыкаў адмаўляе крайнюю форму канструктывізму, якая прызнае адно “рэальнасьць словаў”. У кнізе Андэрсана самае цікавае — гэта, бадай, сам тэрмін “уяўленая супольнасьць”.
Алесю зь Бялынічаў. Тэлефон Катэдры беларускае культуры Віленскага пэдагагічнага ўнівэрсытэту (103702) 75-03-60. Даведацца можна таксама ў спн.Лілеі Плыгаўкі: (103702) 75-77-41. Пра іншае – у наступных нумарах.