Разьбіўся беларускі самалёт
№ 21 (230), 21 траўня 2001 г.
Разьбіўся беларускі самалёт
15 траўня на поўначы Ірану, за 250 км ад Тэгерану, разьбіўся пасажырскі самалёт Як-40, у якім знаходзіўся міністар транспарту гэтай краіны Р.Дадман і 7 дэпутатаў Мэджлісу. Самалёт быў набыты ў Беларусі.
У Іране абвешчаная жалоба. Афіцыйная прычына аварыі — дрэннае надвор’е, але справа, найверагодней, у тэхнічным стане самалёта.
Ня ведалі, пэўна, іранцы, калі куплялі тэхніку, што тры гады таму ў паветры над Шры-Ланкай пры невядомых дагэтуль абставінах зьнік самалёт беларускае авіякампаніі з гомельскім экіпажам. Аднак іранская прэса пакуль не спрабуе ў чым-небудзь разабрацца і друкуе адно здымкі з пахаваньня і месца аварыі. Так што беларусы могуць працягваць свой бізнэс.
Н.Г.