Паштовая скрынка
№ 40 (249), 1 кастрычніка 2001 г.
Паштовая скрынка
Арцёму В. зь Менску. Малюнак недасканалы і злы. Злыя малюнкі зазвычай нясьмешныя.
Паўлу зь Менску. Пішаце, што выбары адабралі ў Вас веру ў Беларусь. Дык і слабая ж Ваша вера была!
Аляксандру Б. з Садкоў. Думак у Вас многа, але выкладаеце іх усе разам. Пастарайцеся выкладаць іх пасьлядоўна.
Кастусю В. зь Нью-Ёрку. Надрукаваць Ваш ліст ня можам, бо пра гэта ў Беларусі шмат пісалі апошнія 15 год.
Тодару К. зь Менску. Тэкст Ваш для газэты заскладаны.
Кацярыне С. зь Менску, Зьмітру Ц. З Рэчыцы. Вашыя лісты ў рубрыку “Беларусь праз сто гадоў” утрымліваюць крыху зашмат агульнае інфармацыі, але чыталі мы іх з задавальненьнем. Прыемна чытаць тэксты, напісаныя з такой верай у Беларусь.
Яўгену М. зь Менску. Дзякуй за камплімэнты на адрас “НН” ды “тарашкевіцы”, але допіс Ваш надрукаваць ня можам – каталікі пакрыўдзяцца. А яны ж ня горшыя ад праваслаўных.