Юзік Дзенісюк. Калі стварыў Пан Бог сусьвет
Надрукавана ў рубрыцы «Год паэзіі» ў № 23'2007
- ***
- Калі ствараў Пан Бог сусьвет,
Спачатку было слова.
І лік у зорак і плянэт
Ён вёў якойсьці мовай.
- Грузінскай — скажа вам грузін.
Габрэй — што на іўрыце…
Ня скажа беларус адзін.
Ня будзе гаварыці.
- Імпэрскі прэс — прыгонны стрэс
І глузд чужы ў галовах
Вытрэпваюць з народа спрэс
Аскепкі роднай мовы.
- Ды не было з пачатку дзён
Ніякіх моў ні нацый.
Лік вёў Гаўрыла‑маладзён —
Арханёл‑папарацы.