Аляксей «KuzMich» Калашук. Мой тэрмін
Надрукавана ў рубрыцы «Год паэзіі» з № 23'2007
- Шэсьць дзён…
Шэсьць кісельна‑цягучых дзён і начэй,
Поўных павольна бягучых сэкундаў. І думка: «Хутчэй!»
Хутчэй бы… Шэсьць дзён.
Час… Гэты суровы судзьдзя кінуў мяне ў астрог.
І я сяджу на волі ў турме і смуга ў вачох.
Шэсьць дзён… Хутчэй бы…
Мне да цябе паўтары сотні гадзін.
І ў кампаніі хмельных вясёлых сяброў я адзін.
Бо мне сумаваць яшчэ шэсьць дзён.
За каханьне сьляпое мне наканаваны праклён:
З каханьнем без каханай. Аднаму. Шэсьць дзён.