28 бізнэсмэнаў
пачалі ў Віцебску бестэрміновую галадоўку на знак пратэсту супраць дзеяньняў улады.
Сярод іх патрабаваньняў — адмена ўвядзеньня касавых апаратаў, пераводу крытых рынкаў у статус гандлёвых цэнтраў, за што з прадпрымальнікаў бяруць вялікія грошы, і адстаўка намесьніка старшыні Віцебскага гарвыканкаму Ўладзімера Яравікова ды загадчыцы гараддзелу гандлю. Галадоўшчыкі пратэстуюць проста на рабочым месцы — у памяшканьні прыватнага крытага рынку «Мішэль». Леташняя перамога ваўкавыскага прадпрымальніка Аўтуховіча дае надзею, што сьцяну бюракратыі можна праламіць хоць бы цаной уласнага здароўя.