Палёгка для прызыўнікоў
Палата прадстаўнікоў прыняла ў другім чытаньні папраўкі ў закон «Аб вайсковым абавязку і вайсковай службе».
Як адзначыў намеснік старшыні пастаяннай камісіі па нацыянальнай бяспецы Віктар Гумінскі, папраўкі канкрэтызуюць падставы для прадастаўлення адтэрміноўкі ад прызыву, вайсковага ўліку, праходжання ваеннай службы і службы ў рэзерве.
Паводле слоў дэпутата, дакумент прадугледжвае адтэрміноўку ад прызыву на тэрміновую службу і службу ў рэзерве не толькі для грамадзян, якія вучацца ў магістратуры, аспірантам і дактарантам, што займаюцца толькі на дзённай форме навучання, але і для выпускнікоў прафесійна‑тэхнічных вучылішчаў для працягу адукацыі, для аспірантаў і дактарантаў любой формы навучання на ўвесь яго перыяд. Згодна з законапраектам, не будуць прызывацца на тэрміновую ваенную службу і службу ў рэзерве грамадзяне, жонкі якіх цяжарныя, незалежна ад тэрміну цяжарнасці.