Няшэранькі Ваўчок
20 лістапада ў Лілехамэры (Нарвэгія) адбудзецца дзіцячы конкурс песьні «Эўрабачаньне-2004».
Беларусь на ім прадстаўляе семіклясьнік мазырскай СШ №21 Ягор Ваўчок зь песьняй «Сьпявайце са мною» (аўтарка словаў васьміклясьніца мазырскай СШ №4 Улада Сусьленка). 15 лістапада разам зь Ягорам у Нарвэгію выправілася маці — Надзея Мікалаеўна, а таксама група балерын зь Беларускага дзяржаўнага харэаграфічнага каледжу, што ўдзельнічае ў конкурсным нумары. Ягор вучыцца граць на клярнэце, але на канцэрце ён граць ня будзе — толькі сьпяваць. Па Першым нацыянальным тэлеканале канцэрт у жывой трансьляцыі пакажуць у 21.15.