Два беларускія словы
На нядаўна прэзэнтаваным сайце Віцебскага гарвыканкаму (gorod.vitebsk.by) толькі два беларускія словы — «Віцебск» у шапцы і назва беларускага тэатру «Лялька» ў пераліку культурных устаноў гораду.
Улады і аўтары сайту з дызайн-студыі «Прамэтэй» не заўважылі супярэчнасьці з прыведзенай на адной са старонак статыстыкай: 77% віцебскага насельніцтва складаюць беларусы. Удвая болей беларускіх слоў на сайце Віцебскага аблвыканкаму: тут па-беларуску напісана яшчэ назва абласной адміністрацыі.
Міхал Чарвінскі, Віцебск