Для каго сьвята, а для кагосьці і затрыманьні
4 ліпеня ў судзе Цэнтральнага раёну Менску будуць судзіць затрыманых 3 ліпеня актывістаў Партыі БНФ.
Затрыманыя сёньня каля сядзібы Партыі БНФ старшыня Рады моладзі БНФ Алесь Каліта і сябра моладзі БНФ Павал Серадзенка на працягу чатырох гадзінаў знаходзіліся ў Цэнтральным РУУС гораду Менску. На актывістаў склалі пратакол і абвінавацілі ў дробным хуліганстве. Выклікаць адваката хлопцам не дазволілі.
Зараз Алесь і Павал знаходзяцца ў спэцпрыёмніку‑разьмеркавальніку на вуліцы Акрэсьціна.
Суд адбудзецца заўтра ў судзе Цэнтральнага раёну (вуліца Кірава, 21).