Правілы здыманьня для закаханых гледачоў
Хітрыя пракатчыкі, каб прывабіць у кінатэатры аматараў «салёненькага», назвалі карціну надзвычай адмыслова. Але ў арыгінале назва фільму гучыць як «Hitch» — і гэта лёгкая, цнатлівая і рамантычная камэдыя, дзе закаханыя дзяўчынкі трымаюць у галавах томік «Рамэо і Джульеты», а хлопцы (якім за 30) ня ведаюць, як цалавацца.
Чарнаскуры Алекс Хітч (Уіл Сьміт), вядомы ў горадзе як доктар Свацьця, дапамагае безнадзейна закаханым мужчынам дабівацца прызнаньня ў лепшай паловы чалавецтва. Галівудзкі амур, які здольны распаліць каханьне паміж сібірскім мужыком і дачкой Ракфэлера, сам сустракае каханьне свайго жыцьця. Ягоная каханая — акула сьвецкай журналістыкі і працагалічка, зацікаўленая пошукамі смажаных фактаў (Ева Мэндэс).
Сучасная інкарнацыя сьвятога Валянціна вучыць гледачоў простым і салодкім, як цукерка, ісьцінам: галоўнае — кахаць, «ты павінен яе агаломшыць», «восем зь дзесяці жанчын мараць пра пацалунак».
Поўны варыянт артыкулу чытайце ў папяровай і pdf-вэрсіі газэты "Наша Ніва"
«Правілы здыманьня: Хітчаў мэтад» («Hitch»)
ЗША, 2005, колер, 115 хв.
Жанр: рамантычная камэдыя
Адзнака: 5 (з 10)