Тры крымінальныя справы ў Скідзелі
Такі вынік мела праверка Скідзельскага цукровага заводу Камітэтам дзяржаўнага кантролю. Кантралёры мяркуюць, што ў выніку дзеяньняў кіраўніцтва прадпрыемства завод панёс гіганцкія страты. Называецца сума 20 мільёнаў даляраў — такі аб’ём зьніжэньня прыбытку ад экспарту ў Расею проці 2005 году.
Сярод атрымальнікаў тавару значыліся фірмы, ліквідаваныя шмат гадоў таму. І паколькі адгрузка цукру ішла не па перадаплаце, а па фіктыўных дамовах, дык так і застаецца няясным, куды пайшоў тавар і грошы за яго.