Źmicier Daškievič papraŭlaje
U «NN» №37 ŭ artykule «Mahu — skazaŭ Milinkievič» pišacca, što Źmicier Daškievič na Centralnaj Radzie Maładoha Frontu hałasavaŭ za Labiedźku, a na Kanhresie padtrymaŭ Milinkieviča. Chaču patłumačyć: na Centralnaj Radzie ja, jak i moj paplečnik, sustaršynia Maładoha Frontu Siaržuk Bachun, padčas rejtynhavaha hałasavańnia addavaŭ hołas i Labiedźku, i Milinkieviču. U vyniku hetaha hałasavańnia z 17 pradstaŭnikoŭ Centralnaj Rady Milinkievič atrymaŭ 17 hałasoŭ, Labiedźka — 6.
Pa-druhoje, ja, jak sustaršynia Maładoha Frontu, u svaim vystupie, dzie zaznačyŭ, što Małady Front padtrymaje luboha kandydata aproč kamunista, vykazvaŭ nia ŭłasnuju pazycyju, a rašeńnie źjezdu Maładoha Frontu. Hetym rašeńniem Małady Front vykazaŭ svajo staŭleńnie da palityčnaje kampanii 2006 hodu: NIA SUPRAĆ Łukašenki, a ZA Niezaležnuju, demakratyčnuju Biełaruś! Za Chryścijanskaje adradžeńnie Baćkaŭščyny!