Łukašenka: Chto sydzie, budzie pracavać na prymusovych rabotach. I cukierku dać
Alaksandr Łukašenka patrabuje biezumoŭnaj realizacyi na drevaapracoŭčych pradpryjemstvach dekreta № 9 «Ab dadatkovych zachadach pa raźvićci drevaapracoŭčaj pramysłovaści».Pra heta jon zajaviŭ siońnia, naviedvajučy AAT «Mahiloŭdreŭ».
«Biarycie ŭsio ŭ svaje ruki, u žaleznyja rukavicy i dziejničajcie», — zapatrabavaŭ Łukašenka.
Pa słovach Łukašenki, asnoŭnaja meta dekreta ŭ tym,
kab dyrektar na pradpryjemstvie «byŭ načalnikam, jak na Zachadzie, i kab usie rabočyja i śpiecyjalisty pracavali navyciažku».
Łukašenka ŭ suviazi z hetym pacikaviŭsia, ci spyniŭsia adtok pracoŭnaj siły z pradpryjemstva. «Maj na ŭvazie, jany nie majuć prava zvalniacca biez tvajho viedama, a chto pojdzie, budzie tut pracavać na prymusovych rabotach», — skazaŭ Alaksandr Łukašenka, źviartajučysia da kiraŭnictva AAT «Mahiloŭdreŭ».
Adnačasova Łukašenka nahadaŭ i pra abaviazalnictvy dyrektaraŭ pavysić rabotnikam zarpłatu. U pieršym kvartale 2013 nieabchodna vyjści na siaredniuju zarpłatu ŭ pamiery $450–500. «Kali my tut utrymlivajem ludziej i prymušajem pracavać, to pavinny i cukierku dać», — padkreśliŭ jon.