Ratavalniki pravierać zabaŭlalnyja ŭstanovy Minska
Minskaje haradskoje ŭpraŭleńnie MNS arhanizuje manitorynh stanu pažarnaj biaśpieki zabaŭlalnych kłubaŭ, dyskatek i inšych zabaŭlalnych ustanoŭ pry praviadzieńni navahodnich mierapryjemstvaŭ u viačerni i načny čas.
Jak adznačajecca na sajcie MNS Biełarusi, asablivaja ŭvaha budzie nadadziena praviercy vykanańnia patrabavańniaŭ zakanadaŭstva ab pažarnaj biaśpiecy ŭ nazvanych ustanovach. U pryvatnaści, budzie praviaracca najaŭnaść i spraŭnaść pieršasnych srodkaŭ pažaratušeńnia, unutranaha vodazabieśpiačeńnia, sistem pažarnaj aŭtamatyki, śvietłavych ukazalnikaŭ «Vychad», adpaviednaść kolkaści naviedvalnikaŭ prajektnaj umiaščalnaści, stan evakuacyjnych prachodaŭ. Akramia taho, śpiecyjalisty źviernuć uvahu na karystańnie piratechničnymi vyrabami i adkrytaha ahniu.
Taksama budzie arhanizavana vusnaje apytańnie słužbovych asob, supracoŭnikaŭ achovy na pradmiet viedańnia patrabavańniaŭ pažarnaj biaśpieki, u tym liku dziejańniaŭ u vypadku ŭźniknieńnia pažaru, spracoŭvańnia sistem pažarnaj aŭtamatyki, karystańnia pieršasnymi srodkami pažaratušeńnia.