Na miesca «Jeŭrasportu» i Animal Planet pryjduć rasijskaja «Kultura» i videaviersija «Ruskaha radyjo»

Istotnyja źmieny ŭ śpisie telekanałaŭ staličnaha kabielnaha apieratara MTIS.

Minskija televizijnyja infarmacyjnyja sietki (MTIS) z 1 studzienia 2013 hoda istotna źmianiajuć śpis tranślujemych telekanałaŭ.

Źmieny nie abmiažoŭvajucca źniknieńniem kanała «Jeŭrasport». Taksama nie budzie praciahnutaja tranślacyja nastupnych kanałaŭ: «Jeŭrasport-2», muzyčny VH1, dziciačy Nickelodeon, paznavalny Animal Planet, a taksama małapapularnyja CBS Drama, CBS Reality, «Sovieršienno siekrietno», + TV, AXN Sci-Fi.

Što budzie tranślavacca zamiest ich?

Miesca «Jeŭrasportu» zojmie rasijskaja «Kultura».

Aproč taho, miesca ŭ śpisie telekanałaŭ zojmuć muzyčny kanał «RU.TV» (videaviersija «Ruskaha radyjo»), dziciačy kanał «Karusiel», «Nano TV» (pra nanatechnałohii i inavacyi), «Maci i dzicia», rasijski paznavalny kanał «Maja płanieta», «24 Techna», «Ruski ekstrym», i siamiejny TLC ad stvaralnikaŭ Discovery.

Spartyŭnaja častka sietki viaščańnia budzie pašyrana čarhovym źjaŭleńniem chakiejnaha kanała «KCHŁ».

* * *

MTIS — hałoŭny minski kabielny apieratar. Jaho pasłuhami karystajecca kala 85% nasielnictva horada.

Kamientary da artykuła