Biełaruś siońnia vypłaciła 99 młn dalaraŭ MVF

14.01.2013 / 16:13

Pieršaje ŭ 2013 hodzie pahašeńnie asnoŭnaha doŭhu pa kredycie stend-baj MVF Biełaruś ažyćciaviła 14 studzienia.

Jak paviedamili ŭ pres-słužbie Ministerstva finansaŭ, pamier płaciažu skłaŭ 64,7 młn. SDR, abo 99 młn. dołaraŭ ZŠA pa najaŭnym kursie.

Nahadajem, u studzieni 2013 hoda Biełaruś płanavała zrabić pa kredycie MVF dźvie vypłaty na ahulnuju sumu 182,4 młn. dołaraŭ.

Jak vynikaje z hrafika płaciažoŭ, apublikavanaha na sajcie MVF, najbolšyja vypłaty ŭ 2013 hodzie prypaduć na krasavik, červień i kastryčnik: u hetyja miesiacy Biełaruś pavinna budzie vypłacić pa 175 młn. SDR (kala 270 młn. dołaraŭ pa biahučym kursie SDR).

U 2014 hodzie Biełaruś, zhodna z hrafikam, pavinna vypłacić MVF 892,39 młn. SDR (1,37 młrd. dołaraŭ), u 2015 hodzie — 55,17 młn. SDR (85 młn. dołaraŭ). Apošni płaciež pa kredycie stend-baj pavinien być praviedzieny 1 maja 2015 hoda.

Piać tranšaŭ kredytu ŭ ramkach prahramy stend-baj na ahulnuju sumu 3,46 młrd. dołaraŭ Biełaruś atrymała ad MVF u 2009–2010 hadach.

U 2011 hodzie Biełaruś vypłaciła pracentnyja płaciažy pa kredycie ŭ pamiery 54,7 młn. SDR (83,5 młn. dołaraŭ), u 2012-m — zrabiła piać płaciažoŭ pa doŭhu na ahulnuju sumu 303,5 młn. SDR (465,2 młn. dołaraŭ).

Čytajcie taksama:

Kamientary da artykuła