Sud u ZŠA abaviazaŭ Rasiju vypłačvać $50 tys. u dzień pa poźvie chasidaŭ ab archivie Šniejersona
Fiederalny sudździa ŭ ZŠA pastanaviŭ, što Rasija pavinnaja płacić štraf u pamiery $50 tys. u dzień za niežadańnie viartać rukapisy i knihi chasidskamu ruchu Chabad-Lubavič,
paviedamlaje radyjo «Hołas Amieryki».
Staršy sudździa Fiederalnaha rajonnaha suda ZŠA ŭ Vašynhtonie Rojs Łambiert vynies adpaviednuju pastanovu ŭ sieradu, praz tydzień paśla słuchańnia spravy. Rašeńnie było pryniataje, niahledziačy na piarečańnie ministerstva justycyi ZŠA, jakoje paličyła, što sankcyi suprać Maskvy nie dapamohuć vyrašyć sprečku.
Łambiert raniej pastanaviŭ, što manuskrypty niezakonna znachodziacca va ŭłasnaści Rasijskaj dziaržaŭnaj biblijateki i Rasijskaha dziaržaŭnaha vajennaha archiva.
U 2010 hodzie hety ž sudździa rasparadziŭsia, kab knihi i rukapisy byli pieradadzienyja ŭ pasolstva ZŠA ŭ Maskvie ci niepasredna pradstaŭnikam arhanizacyi
U centry šmathadovaj ciažby los tak zvanaj biblijateki Šniejersona — zbory histaryčnych dakumientaŭ, jaki naležaŭ lubavickamu rabinu Iosifu Icchaku Šniejersonu. Maskva pretenzii admaŭlaje, ukazvajučy, što materyjały znachodzilisia na terytoryi Rasii z samaha pačatku, i nastojvajučy na tym, što zakonnych padstavaŭ dla ich pieradačy ŭ ZŠA niama.