BIEŁ Ł RUS

Minadukacyi: Na kanstytucyjnaje prava vučycca pa-biełarusku nichto nie zamachvajecca

17.01.2013 / 11:55

Kiryła Chilko

Jak buduć aptymizavać sietku ŭstanovaŭ adkacyi.

Ministerstva adukacyi apieratyŭna adreahavała na zajavu Alaksandra Łukašenki pra pavyšeńnia nastaŭnickich zarobkaŭ. Učora ministr adukacyi Siarhiej Maskievič paviedamiŭ, što srodki na pavieličeńnie zarobkaŭ nastaŭnikam buduć zdabytyja praz aptymizacyju sietki ŭstanoŭ adukacyi. Siarod prapanavanych krokaŭ aptymizacyi — skaračeńnie małakamplektnych škoł, viačernich škoł i vučebna-vytvorčych kambinataŭ. M

nohija małakamplektnyja škoły ŭ pravincyi — biełaruskija. Skaračajučy ich, vučniaŭ buduć pieravodzić u susiednija, časta — z rasiejskaj movaj navučańnia. Ci zmohuć dzieci, jakija advučylisia niekalki hadoŭ pa biełaruskamoŭnych prahramach, praciahnuć adukacyju na rodnaj movie?

«Ničoha z movaj nie zdarycca.

Tyja, chto žadaje razmaŭlać i vučycca pa-biełarusku, buduć mieć mahčymaść rabić heta, —
zaŭpeŭniła „NN“ pres-sakratarka Ministerstva adukacyi RB Julija Vanina. — Aptymizacyja praduhledžvaje šerah zachadaŭ, i skaračeńnie małakamplektnych škoł — tolki adzin ź ich».

«Jość škoły, navat u haradskich rajonach, navat u Minsku, dzie ŭ adnym kłasie navučajecca 19–20 vučniaŭ, a

Kodeks ab adukacyi Biełarusi dazvalaje napaŭnialnaść kłasaŭ da 25 vučniaŭ.
Padumajcie, što adzin nastaŭnik pravodzić zaniatki ŭ kłasie z 20 vučniami, a druhi — u kłasie z 25. Zrazumieła, lahčej pracavać u pieršym vypadku, ale staŭka ŭ ich adnolkavaja. Tamu patrebna aptymizacyja, kab było pa 25 vučniaŭ u kłasie, a nie 19 i nijaki nie 10. Asabliva ŭ horadzie», — kaža Julija Vanina.
Pavieličeńnie kolkaści vučniaŭ u kłasach daje peŭnuju ekanomiju, adnak heta moža adbicca i na jakaści adukacyi:
čym bolšy kłas, tym vyklikajuć, tym horšaja dyscyplina.

«Pytańnie aptymizacyi navučalnych ustanoŭ u sielskaj miascovaści, dzie try vučni na 20 kiłamietraŭ, bolš składanaje. Ale ž

zhadziciesia, što lepš, kali dzicia navučajecca ŭ škole, dzie jość usie nastaŭniki, čym u toj, dzie adzin nastaŭnik viadzie i matematyku, i fiziku, i hieahrafiju, pry tym, što pa svajoj śpiecyjalnaści jon uvohule fiłołah», —
kaža pres-sakratarka Minadukacyi.

Pra zamach na kanstytucyjnaje prava navučacca na biełaruskaj movie, padkreśliła Julija Vanina, nie idzie havorki:

«Navat kali dzieci ź biełaruskamoŭnaha kłasa buduć pieraviedzienyja ŭ inšy, ich pa zakonie pavinny zabiaśpiečyć nastaŭnikami, jakija buduć vykładać pa-biełarusku», —
kaža jana.

Kančatkovy śpis małakamplektnych škoł, jakija skarociać, Minadukacyi abiacaje sfarmavać da lutaha.

Čytajcie taksama:

Kamientary da artykuła