Łukašenka padpisaŭ ukaz ab prymusovaj evakuacyi transpartu

Alaksandr Łukašenka zaćvierdziŭ paradak adbuksiroŭkiu i evakuacyi transpartnych srodkaŭ. Adpaviednyja normy zamacavany va ŭkazie № 36 ad 17 studzienia «Ab niekatorych pytańniach prymusovaj adbuksiroŭku (evakuacyi) transpartnych srodkaŭ».

Jak paviedamlaje pres-słužba kiraŭnika dziaržavy, zhodna z dakumientam, pracedura prymusovaj adbuksiroŭki i evakuacyi budzie ažyćciaŭlacca techničnymi srodkami orhanaŭ unutranych spraŭ abo inšymi dziaržaŭnymi arhanizacyjami i arhanizacyjami, u jakich uładalnikam kantrolnaha pakieta akcyj źjaŭlajecca dziaržava.

Prymusova adbuksiravanyja transpartnyja srodki buduć zachoŭvacca na achoŭnych stajankach, jakija taksama znachodziacca ŭ padparadkavańni orhanaŭ unutranych spraŭ abo inšych dziaržarhanizacyj. Dakumient vyznačaje, što kankretny pieralik arhanizacyj, jakija buduć zajmacca hetaj dziejnaściu, pavinien być vyznačany miascovymi vykanaŭčymi i rasparadčymi orhanami.

Akramia taho, Łukašenka nadzialiŭ paŭnamoctvami abłasnyja vykankamy i Minharvykankam dla zaćviardžeńnia taryfaŭ na raboty pa prymusovaj evakuacyi transpartnych srodkaŭ. Z hetaj nahody va ŭkaz № 72 «Ab niekatorych pytańniach rehulavańnia cen (taryfaŭ) u Respublicy Biełaruś» užo ŭniesieny nieabchodnyja źmieny.

Kamientary da artykuła