U Minsku ŭ MZS prajšła sustreča z delehacyjaj Šviecyi

22 studzienia namieśnik ministra zamiežnych spraŭ Respubliki Biełaruś Alena Kupčyna pryniała delehacyju Ministerstva zamiežnych spraŭ Karaleŭstva Šviecyja na čale z namieśnikam hienieralnaha dyrektara, dyrektaram departamienta Uschodniaj Jeŭropy i Centralnaj Azii MZS Šviecyi Malenaj Mord.

U chodzie sustrečy baki abmierkavali stan i pierśpiektyvy raźvićcia biełaruska-šviedskich adnosinaŭ, a taksama inšyja pytańni ŭzajemnaha intaresu, paviedamlaje sajt biełaruskaha MZS.

***

Nahadajem, što pasolstva Šviecyi ŭ Minsku całkam spyniła pracu 30 žniŭnia. Šviedskija dypłamaty pakinuli Biełaruś, jak taho patrabavali biełaruskija ŭłady. Anałahičnyja dziejańni byli zrobleny i biełaruskim bokam.

Biełaruska-šviedski kanflikt razhareŭsia paśla taho, jak 1 žniŭnia ŭłady Biełarusi apaviaścili Šviecyju ab niepraciahnieńni akredytacyi ambasadaru Stefanu Eryksanu. Dypłamata abvinavacili ŭ destruktyŭnaj dziejnaści. Miesiacam raniej, 4 lipienia, lohkamatorny samalot sa šviedskimi hramadzianami na borcie prylacieŭ ź Litvy ŭ Biełaruś, z samalota nad Minskam i Iviancom byli raskidanyja sotni plušavych cacak z zaklikami da svabody słova.

Kamientary da artykuła