Labiedźka jedzie ŭ Mahiloŭ raźbiracca z partyjnymi šarahoŭcami
Lider AHP pryznačyŭ na 30 lipienia kančatkovy razhlad pytańnia, što rabić z tymi siabrami partyi, jakija dałučylisia da ruchu «Za svabodu».
Lider AHP Anatol Labiedźka pryznačyŭ na 30 lipienia kančatkovy razhlad pytańnia, što rabić z tymi siabrami partyi, što dałučylisia da ruchu «Za svabodu». Najbolš vostra hetaja prablema paŭstała ŭ Mahilovie i Homieli.
I mienavita ŭ Mahiloŭ lider AHP vyrašyŭ zavitać, kab paznajomicca z nastrojami šarahoŭcaŭ. Kiraŭnik miascovaj haradskoj supołki AHP Siarhiej Stralcoŭ atrymaŭ papiaredžańnie, što budzie vyklučany z partyi, kali nie vykanaje rašeńni Palitsavietu AHP, čarhovaje pasiadžańnie jakoha adbudziecca ŭ pieradapošni dzień lipienia.
Spadar Stralcoŭ, u svaju čarhu, zajaŭlaje, što jamu niezrazumieła, jakija ŭvohule rašeńni majucca na ŭvazie. Bo ź Minsku jany ŭ piśmovym vyhladzie daŭno ŭžo nie prychodziać, i pra toje, što adbyvajecca ŭ stalicy, miascovyja aktyvisty daviedvajucca praź internet.
U vyniku ŭzajemnaj pikiroŭki nijakaha kankretnaha rašeńnia ŭ Mahilovie pryniata nie było. Anatol Labiedźka pryznaŭ, što bolšaść partyjcaŭ vystupajuć za aktyŭnyja dziejańni, ale sam lidar AHP — za bolš pamiarkoŭny šlach raźvićcia. Spadaru Stralcovu jon paraiŭ dobra padumać da 30 lipienia.