BAŽ znoŭ chadajničaje pra źmieny ŭ zakon ab ŚMI
Žanna Litvina i Andrej Bastuniec pieradali ŭ profilnuju kamisiju pałaty pradstaŭnikoŭ prapanovy arhanizacyi pa źmienie zakona «Ab ŚMI».
22 studzienia z kiraŭnikami Biełaruskaj asacyjacyi žurnalistaŭ sustreŭsia staršynia kamisii pravoŭ čałavieka, nacyjanalnych stasunkaŭ i srodkaŭ masavaj infarmacyi Andrej Navumovič, paviedamlaje
U dakumiencie, jaki deputat pryniaŭ i abiacaŭ razhledzieć, pieraličana 15 kankretnych prapanovaŭ i farmulovak.
Siarod niedachopaŭ, jakija, na dumku BAŽ, patrabujuć zakanadaŭčaha vypraŭleńnia, — dazvolny paradak rehistracyi novych ŚMI; nievykanalnyja patrabavańni da vydaviectvaŭ małatyražnych vydańniaŭ; uskładnieńnie dziejnaści
Jašče da pryniaćcia zakona «Ab ŚMI» čatyry hady tamu žurnalisckaja arhanizacyja vyłučała šerah prapanovaŭ da jaho źmiestu. Niekatoryja ź ich (7 z bolš čym 30) deputaty pałaty pradstaŭnikoŭ uličyli pry razhladzie dakumienta ŭ druhim čytańni.
Razam z tym, ideju praviadzieńnia parłamienckich słuchańniaŭ na hetuju temu tahačasny staršynia kamisii Juryj Kułakoŭski adchiliŭ, spasłaŭšysia na «adsutnaść praktyčnaha vopytu realizacyi pałažeńniaŭ» novaha zakona.
«Na siońnia taki vopyt napracavany, — miarkujuć u BAŽ. — Praktyka prymianieńnia zakona „Ab srodkach masavaj infarmacyi“ pakazała jaho słabyja baki, na jakija HA „Biełaruskaja asacyjacyja žurnalistaŭ“ źviartała ŭvahu jašče na stadyi pryniaćcia…»
Žurnalisckaja arhanizacyja prapanuje kamisii pravieści słuchańni na temu zakanadaŭstva ab ŚMI, razhledzieć prapanavanyja HA «BAŽ» źmieny i pačać publičnaje abmierkavańnie Zakona «Ab ŚMI» i praktyki jaho prymianieńnia.
«Usie hetyja prablemy patrabujuć šyrokaha ŭsiebakovaha abmierkavańnia i vykaranieńnia, — kaža staršynia BAŽ Žanna Litvina. — Spadziajemsia, pałata pradstaŭnikoŭ adkaža na naš zaklik».