BIEŁ Ł RUS

Sabačnik źbiŭ žančynu, paśla taho jak pahryźlisia ich bajcovyja sabaki - videa

2.02.2013 / 14:13

Bieł Łac Rus

Staličnaja milicyja šukaje mužčynu, jaki źbiŭ minčanku paśla kanfliktu ich sabak. Incydent zdaryŭsia 28 śniežnia minułaha hoda kala handlovaha centra pa vulicy Łabanka, 94.

Jak paviedamili ŭ HUUS Minharvykankama, 45-hadovaja minčanka vyhulvała svajho sabaku bajcoŭskaj parody kala handlovaha centra. Nasustrač joj išoŭ mužčyna razam sa svaim hadavancam, taksama bajcoŭskaj parody, jaki raptam vyrvaŭsia z ruk haspadara i ŭviazaŭsia ŭ bojku z sabakam, jaki naležyć žančynie. Mužčyna kinuŭsia ŭśled za sabakam, ale zamiest pasilnaha ŭdziełu ŭ prymireńni čatyrochnohich sam pačaŭ svarycca z uładalnicaj sabaki.

Paciarpiełaja paźniej raskazała, što, nie žadajučy praciahvać svarku ź nie zusim ćviarozym mužčynam, jana schavałasia ad jaho ŭ handlovym centry i tolki praź niekalki chvilin vyjšła nazad na vulicu.
Ale mužčyna, mabyć, zaviaršać znosiny nie žadaŭ — jak tolki žančyna stupiła za paroh handlovaha abjekta, nackavaŭ na jaje svajho sabaku. Žančyna pa prafiesii kinołah, tamu chutka ŭcichamiryła čužuju žyviolinu, što nie spadabałasia jaho haspadaru. Jon źbiŭ jaje i ŭciok.

Zaraz dziejańniam napadnika dajecca pravavaja acenka, a jaho asoba i miescaznachodžańnie ŭstanaŭlivajucca. Videa z kamier nazirańnia handlovaha centra raźmieščana na sajcie HUUS Minharvykankama.

Čytajcie taksama:

Kamientary da artykuła