Na dvuchhadovaj dziaŭčyncy zaharełasia adzieńnie: dzicio ledź nie zahinuła na kuchni
Dzicia ledź nie zhareła na ahulnaj kuchni internata ŭ Mazyry, paviedamili ŭ Ministerstvie pa nadzvyčajnych situacyjach Biełarusi.
Uviečary 19 lutaha ŭ MNS z pryjomnaha adździaleńnia Mazyrskaj haradskoj balnicy №1 pastupiła paviedamleńnie pra špitalizacyju dziaŭčynki 2010 naradžeńnia - na joj zaharełasia adzieńnie.
Sa słovaŭ susiedziaŭ, małaja hulała na ahulnaj kuchni internata ź inšymi dziećmi. Na padakońniku lažała zapalnička. Jak adbyłosia ŭzharańnie - vyśviatlajecca.Kryk dziciaci pačuła mama, jakaja patušyła padpalenuju vopratku i vyklikała chutkuju dapamohu. Dziaŭčynka była nieadkładna dastaŭlena ŭ reanimacyjnaje adździaleńnie balnicy.
MNS čarhovy raz nahadvaje, što baćki nie pavinny pakidać maleńkich dziaciej biez nahladu i tym bolš nie dapuskać, kab u zonie dasiažnaści dla ich znachodzilisia zapałki, zapalnički ci lohka ŭzharalnyja pradmiety.Statystyka śviedčyć, što ŭzrost najbolšaj ryzyki - da 5-6 hadoŭ, kali małoje jašče nie razumieje ŭsich nastupstvaŭ źjaŭleńnia ahniu.
Patłumačyć ŭvieś ciažar nastupstvaŭ hulniaŭ z zapałkami i zapalničkami pavinny darosłyja. Pry hetym treba nie tolki raskazać dzieciam pra niebiaśpieku, jakuju toić u sabie ahoń, ale i pra toje, jak treba pavodzić siabie pry pažary- navučyć pakidać pamiaškańnie, kali niešta adbyłosia. Akramia taho, darosłyja pavinny razumieć, što, kali ź imi ŭ domie znachodzicca dzicia, ad zachavańnia elemientarnych pravił supraćpažarnaj biaśpieki zaležyć nie tolki ich ułasnaje, ale i jaho žyćcio.