Łukašenka siońnia raspavioŭ, što «namataŭ sotni kiłamietraŭ pa viełatreku»
Biełaruś pa pravu zasłužyła praviadzieńnie čempijanatu śvietu pa viełasporcie. Ab hetym zajaviŭ siońnia Alaksandr Łukašenka na cyrymonii adkryćcia spartyŭnaha turniru.
Łukašenka adznačyŭ, što viełasport u Biełarusi stanovicca ŭsio bolš masavym i papularnym. «My prykłali maksimum namahańniaŭ dla arhanizacyi hetaha čempijanatu», — skazaŭ jon.
«U nas tut dastatkova i lodu. Darečy, kali treba raźmiacca, prosta raźviejacca, my pradastavim vam lod, zusim biaspłatna»,— skazaŭ Łukašenka, źviartajučysia da ŭdzielnikaŭ i haściej spabornictvaŭ.
«Spadziajusia, dni čempijanatu dla vas stanuć sapraŭdnym śviatam. Viadoma, spartsmienaŭ čakajuć surjoznyja nahruzki, kałasalnaje napružańnie. Namataŭšy sam na hetym pałatnie sotni kiłamietraŭ, vielmi dobra viedaju, jakaja heta piakielnaja praca i jakaja sapraŭdnaja cana pieramohi», — adznačyŭ Alaksandr Łukašenka.