Rasijskija naftaviki prosiać manapoliju na biełaruskim rynku
Piać najbujniejšych rasijskich naftavych kampanij paprasili prezidenta Rasii zamacavać za imi manapolnaje prava pastavak nafty ŭ Biełaruś. Pra heta piša hazieta «Iźviestija».
U śniežni kiraŭniki «Surhutniefciehazu», «Hazpramniefci»,
U Fiederalnaj antymanapolnaj słužbie vydańniu paćvierdzili najaŭnaść inicyjatyvy piaci naftavych kampanij.Administracyja prezidenta, pierš čym pryniać rašeńnie, zapytała mierkavańnie FAS i Minenierha.
«Ekspart u susiedniuju respubliku — adzin z samych rentabielnych kirunkaŭ biźniesu rasijskich kampanij.Pry ŭźniknieńni kankurencyi pamiž ajčynnymi pastaŭščykami biełarusy atrymajuć dadatkovy kozyr dla vybivańnia prefierencyj ad Rasii. Heta moža abiarnucca miljardnymi stratami dla kazny, śćviardžajuć najbujniejšyja karparacyi. U taki scenaryj nie vierać Minenierha i FAS, jakija vystupili za svabodnuju kankurencyju pamiž ajčynnymi kampanijami. Kančatkovaje rašeńnie zastaniecca za prezidentam», — pišuć «Iźviestija».
Hazieta pryvodzić danyja, jakija naftavyja kampanii pradastavili pa zapycie Minenierha Rasii. Tak, «Łukojł» paviedamiŭ, što ŭ 2012 hodzie pastaviŭ ŭ Biełaruś 4,4 młn. ton nafty: 1,6 młn. ton — na Mazyrski NPZ, 2,8 młn. ton — na Navapołacki NPZ. Siaredniaja efiektyŭnaść takich pastavak dadatkova zabiaśpiečyła 12–14 dołaraŭ na kožnaj tonie ŭ paraŭnańni z naftaj, jakaja pradajecca praz rasijskija party. Aprača taho, 50% pastavak kampanija nakiroŭvała na pierapracoŭku. Prybytkovaść davalnickaj schiemy składała 30 dołaraŭ na tonu. «Vałodajučy ŭłasnaj zbytavaj sietkaj u Biełarusi, „Łukojł“ pavialičvaŭ maržu jašče bolš čym na 14 dołaraŭ. Takim čynam, ahulny vałavy dachod davalnickaj schiemy pierapracoŭki aceńvajecca kampanijaj zvyš 56 dołaraŭ na tonie (dachodnaść naftapraduktaŭ Mazyrskaha NPZ na 12 dołaraŭ na tonu vyšejšaja, čym u Navapołackaha zavoda)», — zaznačajuć «Iźviestija».
Tak, u «Hazpramnafcie» miarkujuć, što kankurencyja ź inšymi rasijskimi kampanijami za hrafik pastavak, jaki zaćviardžajecca Minenierha, daść biełaruskamu boku «arhumient dla źmianieńnia cenavaj formuły i źnižeńnia cen pastaŭki/cenavaj premii». Źnižeńnie cen na 300 rubloŭ za tonu pry abjomie pastavak 20 młn. ton pryviadzie da strataŭ dla kampanij na ŭzroŭni 6 młrd. rasijskich rubloŭ. Pramyja straty rasijskaha biudžetu (niedaatrymany padatak na prybytak) składuć bolš za 1,2 młrd. rubloŭ.U liście da Minenierha najbujniejšyja naftavyja kampanii dadatkova rastłumačyli svaju prapanovu.
Pa raźlikach «TNK-VR» pry źnižeńni koštu tony nafty, što nakiroŭvajecca ŭ Biełaruś, na adzin dołar, biudžetnyja straty składuć 0,16 dołara. Pry abjomie ŭ 18 młn. ton u hod rasijskaja kazna niedaličycca 2,88 młn. dołaraŭ.
Pry hetym «Iźviestija» zaznačajuć, što pazicyja piaci najbujniejšych naftavych kampanij nie znajšła padtrymki ŭ Minenierha i FAS. U liście naftavikam, a taksama ŭ adkazie, što adpraŭleny ŭ administracyju prezidenta, viedamstvy paviedamili, što ličać źmianieńni «niemetazhodnymi».
Taćciana Karaviankova, BiełaPAN.