Minsk staŭ: zakrytyja ŭsie vyjezdy z horada, ruch na asnoŭnych haradskich mahistralach paralizavany

15.03.2013 / 17:4

auto.tut.by

Čytačy paviedamlajuć, što prajechać pa Minsku, a taksama vyjechać z horada abo zajechać u jaho niemahčyma.

Stajać usie napramki na vyjezd z horada: z-za maštabnych avaryj na trasie M4 (Minsk — Mahiloŭ) supracoŭniki DAI zakryli Partyzanski praśpiekt u rajonie stancyi mietro «Mahiloŭskaja». Zator u hetym kirunku raściahnułasia ad płoščy Vaniejeva da pasiołka Sosny.

Maštabnaja avaryja na M4 (Minsk -- Mahiloŭ). Fota z kamiery departamienta «Biełaŭtador».

Praktyčna całkam staić praśpiekt Niezaležnaści ŭ abodvuch napramkach.

Vielmi składanaja situacyja na vyjeździe z horada ŭ bok trasy M2 (Minsk — Nacyjanalny aeraport Minsk) u rajonie Uručča — ruch całkam paralizavany. Trasa M2 staić u abodva baki.

Karystalniki paviedamlajuć, što maskoŭskaja trasa ŭ bok Minska staić ad Kurhana Słavy — supracoŭniki DAI viartajuć kiroŭcaŭ, prapanoŭvajučy im šukać inšyja šlachi ŭjezdu ŭ stalicu.

Čytajcie taksama:

Kamientary da artykuła