Kaniec śniehu! Ale na trasach zanosy, zatory, vyjezd ź Minska abmiežavany

abnoŭlena ŭ 11:25, a jakoje nadvorje ŭ Vas?

Za 7 km ad pavarotu na Vilniu (Vałožynski rajon) pačynajecca zator. My jaho prajšli za hadzinu, Daroha da miažy vydatnaja, napisaŭ Pavieł Juchnievič.

Cykłon, jaki bušavaŭ nad Biełaruśsiu druhuju pałovu piatnicu i pałovu nočy, adyšoŭ na paŭnočny ŭschod u bok Rasii.

Nad Minskam śviecić sonca, jakoje pastupova prabivajecca praz chmary. Za 12 hadzin namiało niamała śniehu, i jon zichacić pad sakavickim soncam.

Soniečnaje nadvorje taksama ŭ Bresckaj vobłaści i nad trasaj na Vilniu, paviedamlajuć karespandenty i čytačy NN.

Nadvorje na siońnia minus 5–7, paryvy da 16 mietraŭ u siekundu.

Tym nie mienš DAI i MNS rekamiendujuć admovicca siońnia ad pajezdak na aŭtamabilach: u piatnicu byli niečuvavanyja zatory na trasach i jany zaraz zachoŭvajucca. Zaniatki i mierapryjemstvy ŭ biełaruskich škołach admienieny.

Vyjezd ź Minska pa-raniejšamu abmiežavany da stabilizacyi darožnaha stanovišča. Tak, niama ruchu na darozie M4 Minsk — Mahiloŭ da 45-ha kiłamietra. Idzie rasčystka trasy na Barysaŭ (R53), ciažkaja situacyja zachoŭvajecca na trasy Brest — Minsk u rajonie Dziaržynska. Na MKAD kala Novaha Dvara ŭskładnieny ruch, ruch transpartu na trasie Minsk — Hrodna pierakryty. ciažkoje stanovišča kala Mahilova ŭ kirunku Minska,

Zatoje adnaviŭ pracu Nacyjanalny aeraport «Minsk», rejsy rychtujucca da vyletu.

A jakoje nadvorje ŭ Vas? Jakaja vyšynia śniehu?

Dzialiciesia ŭražańniami.

***

Minsk pacichu viartajecca da žyćcia. Darohi pastupova čyściacca. Transpart pavoli, adnak chodziać. Žyćcio, možna skazać, viruje. Ludziej šmat na prypynkach, ale tak zvyčajna ŭ subotu.

Aŭtamabilisty razhrabajuć śnieh kala svaich mašyn. U niekatorych miescach sumioty nie toje, što vyšej za hałavu, a značna bolšyja.

Śnieh učora zamioŭ usio navokał, tamu ludzi prakłali novyja ściežki, pa jakich moža prajści tolki adzin čałaviek. Tamu časam vystrojvajucca cełyja čerhi, kab prajści.

U šerah kijoskaŭ nie padvieźli śviežuju subotniuju presu. Pošta nie dajechała.

Praŭda, dźmie mocny paryvisty viecier, nie zusim kamfortna, biarecca maroz. Nieba znoŭ zaciahvaje chmarami.

Paśla 12-j u Minsku sonca kančatkova schavavałasia. U dvarach ciažka prajechać, mašyny buksujuć.

Naša Niva praciahvaje sačyć za padziejami : )

{POLL#25}

Kamientary da artykuła