15 sakavika ŭ Biełarusi zarehistravali bolš za 650 avaryj

Kolkaść drobnych DTZ pieravysiła zvyčajnuju kolkaść udvaja.

Za minułyja sutki ŭ krainie zarehistravana ŭ dva razy bolš drobnych DTZ, čym zvyčajna, try čałavieki zahinuli

Niahledziačy na składanyja ŭmovy nadvorja, za minułyja sutki na darohach Biełarusi adbyłosia tolki dzieviać DTZ z paciarpiełymi, u jakich zahinuli try čałavieki. U toj ža čas praktyčna ŭ dva razy bolš, čym zvyčajna, zarehistravana drobnych avaryj — 652. Ab hetym BiełaPAN paviedamili va ŭpraŭleńni DAI MUS.

15 sakavika kala 13 hadzin u Baranavickim rajonie Bresckaj vobłaści 25-hadovy vadziciel hruzavika «MAZ», jaki naležyć Kobrynskaj ptuškafabrycy, sutyknuŭsia z «Žyhulami», jakimi kiravaŭ 56-hadovy vadziciel. Zatym abiedźvie mašyny sutyknulisia z aŭtapojezdam «Miersiedes». U vyniku DTZ zahinuli vadziciel lehkavoj aŭtamašyny i 36-hadovy pasažyr, hramadzianin Azierbajdžana. Jašče adzin pasažyr «Žyhuloŭ», 22-hadovy hramadzianin Ukrainy, špitalizavany. Usie — žychary Baranavičaŭ.

U Tałačynskim rajonie Viciebskaj vobłaści ŭ 15.30 28-hadovy vadziciel hruzavika «Reno» ŭrezaŭsia ŭ «Opiel», jaki stajaŭ na miescy DTZ. 36-hadovy vadziciel lehkavoha aŭtamabila zahinuŭ.

Kamientary da artykuła