U Łukašenki novy pres-sakratar - Siarhiej Pieluškievič

U Łukašenki źjaviŭsia novy pres-sakratar. Jak piša rasijskaje vydańnie «Kommiersant», im staŭ Siarhiej Pieluškievič.

Jak paviedamlaje aŭtar artykuła Andrej Kaleśnikaŭ, «u Alaksandra Łukašenki novy pres-sakratar — Siarhiej Pieluškievič. Pavieł Lohki, jaki byŭ z Alaksandram Łukašenkam šmat hadoŭ, nabraŭ palityčnuju vahu i pajšoŭ na niaciažkuju pracu daradcam-pasłańnikam u biełaruskuju ambasadu ŭ Maskvie», cytujuć vydańnie naviny.by.

Atrymać aficyjnaha paćviardžeńnia hetaj infarmacyi pakul nie ŭdałosia.

Viadoma, što čałaviek ź imiem Siarhiej Pieluškievič byŭ kamientataram adździeła hramadska-palityčnych prahram dyrekcyi infarmacyjnaha i hramadska-palityčnaha viaščańnia hałoŭnaj dyrekcyi Pieršaha nacyjanalnaha kanała Biełaruskaha radyjo.

Kamientary da artykuła