Siamja zahinuła ŭ łabavym sutyknieńni na trasie Baranavičy — Hrodna

16.03.2013 / 20:42

Trahiedyja zdaryłasia dniom 16 sakavika na 76 km aŭtadarohi Baranavičy — Hrodna za 10 km ad miažy sa Słonimskim rajonam. U vyniku łabavoha sutyknieńnia dvuch aŭtamabilaŭ «Falksvahien-Pasat», u avaryi zahinuli 4 čałavieki.

28-hadovy słonimiec, jaki pracuje dalnabojščykam, jechaŭ z 36-hadovym pasažyram sa Słonima ŭ Hrodna. Pavodle papiaredniaj infarmacyi, na abledzianiełym učastku darohi jon nie spraviŭsia z kiravańniem svajho «Pasata B6» i vyjechaŭ na sustrečnuju pałasu, dzie sutyknuŭsia z «Pasatam B2».

Pry ŭdary ad druhoha aŭtamabila amal ničoha nie zastałosia. Na miescy zdareńnia zahinuła ŭsia siamja, jakaja znachodziłasia ŭ mašynie —

maci 1948 hoda naradžeńnia, dačka 1989 hoda naradžeńnia i syn 1987 hoda, jaki kiravaŭ «Pasatam B2».

U avaryi zahinuŭ i pasažyr «Pasata B6», jaki nie byŭ pryšpileny ramianiami biaśpieki.

Mierkavany vinoŭnik avaryi z traŭmami znachodzicca ŭ reanimacyi.

Pa fakcie pryznačana śledstva.

Čytajcie taksama:

Kamientary da artykuła