Sinoptyki supakojvajuć: Novy cykłon nie dojdzie da Biełarusi
Cykłon «Birk» nie dojdzie da Biełarusi, paviedamiła hałoŭny sinoptyk Respublikanskaha hidramieteacentra Ludmiła Paraščuk.
U adroźnieńnie ad «Chaŭjera», ahresiŭny charaktar iakoha vyjaviŭsia sustrečaj u cykłonie arktyčnaha i trapičnaha pavietra,
«Birk», jaki składajecca z adnastajnaj pavietranaj masy ŭmieranych šyrot, budzie nieaktyŭnym i spakojnym. Jon spynicca na terytoryi Polščy. Upłyŭ na nadvorje ŭ Biełarusi akažuć tolki jaho atmaśfiernyja franty.
U aŭtorak ranicaj atmaśfiernyja franty «Birka» buduć upłyvać na nadvorje paŭdniovaha zachadu krainy — Bresckaj, Hrodzienskaj abłaściej, a taksama paŭdniovaha zachadu Minskaj i Homielskaj abłaściej.
U sieradu nočču, 20 sakavika, atmaśfierny front dabiarecca da stalicy.
Upłyŭ atmaśfiernych frantoŭ cykłonu na ŭmovy nadvorja ŭ Biełarusi budzie adčuvacca da čaćviarha — vyšynia śniehu pavialičycca na 5–10 sm.
U kancy tydnia Biełaruś apyniecca ŭ zonie supraćstajańnia chałodnaha antycykłonu na poŭnačy i aktyŭnaha cykłonu nad Čornym moram.
Heta budzie charaktaryzavacca ŭzmacnieńniem vietru, pa poŭdni krainy budzie iści śnieh.