My hatovy razhladać lubyja prapanovy: Łukašenka zajaŭlaje pra hatoŭnaść prodažu Sinhapuru akcyj biełaruskich kampanij

Biełaruś hatova razhladać lubyja prapanovy pa prodažy Sinhapuru pakietaŭ akcyj najbujniejšych kampanij, zajaviŭ biełaruski kiraŭnik, sustrakajučysia siońnia z prem'jer-ministram hetaj krainy Li Siań Łunam.

«Ciapier my hatovyja razhladać lubyja prapanovy pa nabyćci pakietaŭ akcyj našych najbujniejšych kampanij. Adzinaja ŭmova — prazrystaść, ekanamičnaja abhruntavanaść i ŭzajemnaja vyhada».

Łukašenka ličyć pierśpiektyŭnym uzajemadziejańnie ź Sinhapuram u śfiery pryciahnieńnia pramych inviestycyj i ŭdziełu sinhapurskich kampanij u pryvatyzacyi biełaruskich pradpryjemstvaŭ.

«Mnohija z našych najbujniejšych kampanij hatovyja plonna i na ŭzajemavyhadnaj asnovie supracoŭničać z vašymi inviestarami.

Pa słovach Łukašenki, jon raźličvaje na toje, što inviestycyjnyja prapanovy, jakija prahučać na ciapierašnim Biełaruska-sinhapurskimbiznes-forumie, zacikaviać miascovyja dziełavyja koły.

Alaksandr Łukašenka zhadaŭ i Adzinuju ekanamičnuju prastoru, stvoranuju z udziełam Rasii, Biełarusi i Kazachstana. AEP, pa jaho acency, vałodaje «vielizarnymi mahčymaściami dla raźvićcia».

Łukašenka źviarnuŭ uvahu na Biełaruska-kitajski industryjalny park pad Minskam «ź biesprecedentnymi lhotami» dla inviestaraŭ. Madellu dla hetaha prajektu staŭ Kitajska-sinhapurski industryjalny park u horadzie Sučžoŭ, dadaŭ kiraŭnik dziaržavy.

U Sinhapury Alaksandr Łukašenka znachodzicca 20–22 sakavika ź dziaržaŭnym vizitam. 17–19 sakavika biełaruski kiraŭnik naviedaŭ z aficyjnym vizitam Indaneziju.

Kamientary da artykuła